Еврокомесарот по првата средба во Собранието остварена со претставниците на партијата БЕСА упати порака на неговиот Твитер профил дека повеќе нема време за губење и потребно е итно да се формира влада која ќе ги спроведе сите неопходни реформи, како и обврските преземени од Пржинскиот договор. 

На средбата присуствуваа и европските пратеници Иво Вајгл, Кнут Фланкештајн и Едуард Кукан. Европските функционери треба да имаат одделни разговори и со лидерите на Алијансата на Албанците Зијадин Села, на ДУИ Али Ахмети, на СДСМ Зоран Заев и на ВМРО-ДПМНЕ, Никола Груевски. 

Претседателот Ѓорге Иванов, како што информираа од неговиот кабинет, нема да се сретне со Хан бидејќи нема да се предомисли и да му го додели мандатот на Заев.