Еврокомесарот за проширување Јоханес Хан, својот став за одлуката на претседателот Иванов да не му го додели мандатот на Заев го искажа на својот Твитер профил.

– Во однос на последниот развој на настаните во БЈР Македонија, сите политички лидери, вклучително и претседателот Иванов, мора да го почитуваат исходот од неодмнешните избори. Во демократијата, мора да се признае парламентарното мнозинство, дури и ако тоа не го сакате. Затоа, очекувам сите политички лидери и институциите да му дозволат на демократскиот процес да се одвива по својот тек, во интерес на граѓаните, порача Хан во неговото соопштение и објава на социјалната мрежа „Твитер“.

Утре во Скопје пристигнува високата претставничка на ЕУ за надворешни работи Федерика Могерини, која ќе оствари средби со политичките партии и предводниците на државните институции, а интересно е што во нејзината агенда стои дека ќе се сретне со спикерот на македонскиот парламент кој инаку се уште не е избран.