Британскиот канцелар на државниот трезор Филип Хамонд одржа средба со лидерите на финансискиот и економскиот сектор во Велика Британија на која им даде гаранции дека владата ќе направи се што е можно за компаниите да се чуствуваат безбедно по напуштањето на Европската Унија и нема да претрпат никакви регулативни последици или пак измени на бизнис климата. „Важно е Британија да го задржи статусот како одлично место за финансиски услуги. Владта е подготвена да му помогне на финансискиот сектор да ги максимизира своите можности по излезот од ЕУ“, посочи Хамонд по средбата со приватниот сектор.