Халкидики го чека уште еден потоп а какво време ја чека Македонија?
Есенски температури, обилни врнежи, град и поплави се последица на студениот бран кој зафати дел од Европа. Тој полека се повлекува и доаѓа нов, потопол бран.
Грозоморни фотографии од делови од Грција и Халкидики го обиколија регионот а тие предели беа зафатени од силно невреме. Обилните врнежи донесоа големи поплави кои најмногу го погодија Никити носејќи автомобили во морето. Според метеоролозите и денеска Халкидики ќе биде под удар на нестабилни временски услови.
ВО СЕЗОНАТА ГРЦИЈА ВЛЕГУВА ПОПЛАВЕНА: Скопјани со сведоштва од невремето во Никити и Ситонија
Што се однесува до Македонија синоптичарите најавуваат од утре потопло време и сончеви периоди. Сепак не се исклучува нити локален пороен дожд, гремежи и ветар.Според УМХР утринските температури ќе се движат од 9 до 16 степени Целзиусови а дневните ќе достигнат максимални 28 степени.
Во главниот град се најавува исто така потопло време а што се однесува до температурите тие ќе се искачат до 21 степен на дневно ниво, но сепак утринските нема да надминат 15 степени.
И првиот ден од викендот ќе биде топло, но веќе од недела се најавува посочнево, претежно стабилно и топло, а веќе од следната недела температурите ќе достигнат и до 35 степени.
Слично
Поврзани вести
