Поранешниот министер за финансии, Џевдет Хајредини во свој стил повторно со „клучни“ поенти укажа на привилегираната позиција која ја имаат членовите на ДУИ и кои се сместени во некои од удобите државни фотељи. 

Тој потенцира дека, наспроти тврдењата на првиот вицепремиер Артан Груби дека моќни македонски олигарси работат на отстранувањето на ДУИ и Албанците од власт, според Хајредини, нив никој не може да ги отстрани од власт. Дополнително потенцира дека економски зајакнале само блиските до Али Ахмети, но и лицата кои се на министерски или директорски позиции од ДУИ, не и обичните граѓани, меѓу кои и Албанците. 

- Артан Груби: Под изговор дека Албанците економски многу се зајакнуваат, пет моќни македонски економски олигарски работат на отстранување на ДУИ и Албанците од власт.

Овие олигарси напорно работат на тоа државата да ја водат само Македонците.

МКД

Не е точно дека сите Албанци економски многу се зајакнуваат, ниту дека го зедоа својот дел, со тоа што само Али Амети и својот син, внуци, зет, брат и сват, како и Груби, Бујар, Јахоски, Еуровија, Арберија, економски зајакнале и го зедоа "својот дел".

Албанците во Македонија од власт никој не сака и не може да ги отстрани, па ни пет, десет или дваесет "моќни олигарси Македонци" - напиша Хајредини на Фејсбук.