Груевски: Заев сака да формира влада по секоја цена
Заев сака да формира влада по секоја цена, изјави лидерот на ВМРО-ДПМНЕ, Никола Груевски, во интервју за телевизијата Канал 5.
Заев не отстапува од платформата на албанските партии, бидејќи е фатен жив во криминал, тврди Груевски.
Тој обвини дека се планира решавање на спорот за името по грчки терк и дека на државата ѝ се заканува распаѓање. За Заев вели дека сака да биде премиер по секоја цена.
„Тој сака да формира влада по секоја цена, тргувајќи со националните и државните интереси, да стане премиер за да може да изврши притисок врз судиите и да не одговара за криминал и корупција. Нека му ја мислат тие што одат против волјата на народот“ - вели Груевски.
Тој повтори дека народот мора да си ја одбрани државата и дека има национално свесни Македонци.Груевски вели дека поддршка има од народот на улици, а од СДСМ за тоа се свесни.
Тој повторно кажа дека СЈО е поврзано со Заев, иако истото го негираат.
Според Груевски, излез од кризата би биле нови избори заедно со локалните.
Слично
Поврзани вести
