Власта на ВМРО-ДПМНЕ ги одбројува последните часови, а последен говор ќе одржи и Никола Груевски кој ќе се обрати преку собраниската говорница околу 11 часот. 

Во истиот период ќе започне и собирањето на граѓаните кои ќе го слават доаѓањето на новата власт предводена од СДСМ. Инаку до полноќ ќе трае собраниската дебата за предлог составот и програмата на новата влада кои ги достави мандаторот Зоран Заев. 

Со 61 глас Република Македонија ќе добие нова влада со што треба да се стави крај на изборниот циклус кој започна од декември минатата година и конечно да се воспостави владеењето на новиот состав во полн капацитет наместо досегашната техничка влада со ограничен мандат.