Екс премиерот и лидер на сепоизвесната опозиција Никола Груевски ја повика СДСМ да закаже уште утре седница на Парламентот за да се изгласа законот со кој ќе се продолжи мандатот на градоначалниците.

Според Груевски СДСМ купува време и блефира со јавноста бидејќи, како што вели првиот човек на ВМРО ДПМНЕ, „не се закажува седница, ниту се говори за тоа“.

„Или СДСМ сака да купи време и да ги одложи изборите или сака со деструктивноста да направи дополнителна штета. СДСМ директно наштетуваат на граѓаните. Секое одовлекување понатаму значи дека продолжуваат со деструкција и се обидуваат да најдат начин да ги одложат локалните избори кои ги договоривме за 15 октомври“, потенцира Груевски.