Екс премиерот Никола Груевски деновиве зачести со низа интервјуа за балканските медиуми. 

Откако за српски Телеграф  лидерот на ВМРО ДПМНЕ прати порака дека македонскиот народ е на нозе и дека нема да се повлече, следи интервју за бугарската телевизија БТВ.

Груевски за таа телевизија вели дека ако СДСМ направи влада со албанските партии, тоа ќе е крај за Македонија.

Тој вели дека платформата ќе ја врати Македонија назад во 2001 година, а истата таа платформа која владеачката гарнитура ја окарактеризира како Тиранска платформа, според Груевски е опасна и ќе ја отвори Пандорината кутија.

„Во Македонија живеат повеќе етнички заедници и секој може да побара нешто ново, вклучително и Македонците, но тоа репреговарање е опасна работа и може да не врати во 2001 година, изјавил Груевски. 

Новинарот од оваа телевизија го вратил Груевски назад пред две години кога СДСМ објави прислушувани разговори, но и овој пат, екс премиерот тврди дека тие се лепени, сечени и монтирани снимки.