Реакциите на меѓународната заедница за мене беа очекувани после снимките кои излегоа од собранието, излегоа снимки на кои секој би реагирал, тепаат пратеници и народ, меѓутоа кога ќе се погледнат добро фактите ќе се види дека она што се случи е незаконско, нелегално, против уставно и против деловничко да се избере претседател на собрание, изјави вечерва претседателот на ВМРО-ДПМНЕ во емисијата Топ-Тема на телевизија Телма.

„Албанскиот народ, сиот народ што сака да живее во  границите на оваа држава, а не во друга ние сме на негова страна. Ние се бориме да не дојде до реализација на некои радикални структури кои што и на нив ќе им го растурат животот.

-Граѓаните имаат свои секојдневни проблеми, ние правевме се што е во наша моќ да решиме многу од нив и многу решивме. Не постои влада во историјата на Македонија за што за таков период решила толку многу проблеми на граѓаните и инфраструктурни и комунални и отворање на нови работни места и носење на стотици инвестироти кои носеа нови работни места. И решавање на социјални проблеми, зголемување на социјална помош, зголемување од 70 проценти на пензиите, зголемување на платите во администрацијата, но невозможно е се да се реши“ истакна Груевски.

Јас никогаш не сум бегал во никакви добри или лоши моменти, јас често сум патувал и тоа е точно  и економски и политички патувања, некогаш ќе се поклопат тие настани со некои настан кои е значаен во Македонија и веднаш сум наоѓал начин да се вратам тврди првиот човек на ВМРО ДПМНЕ.

-Тоа се случи и лани кога се случија поплавите, јас го прекинав одморот и веднаш се вратив, за да помогнам со моето искуство колку што можам, а инаку кога и да бил некој тежок момент во Македонија јас сум бил тука. Истото се случуваше и со кумановските настани јас тука бев во Македонија и кога се случија настаните кај Смилковското езеро и синоќа бев тука, со авион кој прв полета за кај нас, вели Груевски.

Тој истакна и дека во моменти кога ВМРО-ДПМНЕ имаше 50 пратеници во собранието ги информираше граѓаните дека не може да очекува дека ВМРО-ДПМНЕ ќе ги одбрани интересите на државата и на народот и народот увиде дека треба да си ја брани државата и народот шеесет дена го правеше тоа излезе надвор и шеесет дена како никогаш до сега толку долго и толку интензивно излегуваше и испраќаше пораки дека не се согласува со тоа што го прави Заев и дека тој прави изборна измама и дека тоа не му беше соопштено во текот на кампањата.