ГРУЕВСКИ: НАРОДОТ ВЕЌЕ НИКОМУ НИШТО НЕ ВЕРУВА - Политиката и политичките дискусии се сведени на „дневна занимација“
Поранешниот премиер Никола Груевски, кој избега и побара азил во Унгарија, денеска со нов пост се осврна на случувањата во земјава, алудирајќи на тоа дека поради политичкото влијание во последниве шест години граѓаните помасовно ја напуштаат земајта.
Неговиот пост започнува со прашањето „Каква држава стана Македонија?!“
- Ако власта толку често не смислува и спроведува политички мотивирани прогони, апсења на луѓе без вина неистомисленици од политиката или бизнисот, ако не создава инструирани и нарачани истраги, лажни обвиненија, издиктирани од политичароте на власта судски пресуди до контролираните судии за нивните политички опоненти, па потоа некој го внеле во затвор, па како му е во затворот, па го пуштиле на викенд, му заплениле некаков имот, му земале пасош, притвор, судења, рочишта, извештаи на медиумите од тие рочишта, анализи на божемни независни аналитичари, а всушност партиски полтрони, разни и секојдневни шпекулации во врска со сѐ ова, прес конференции на партиите или преставници на правосудните органи околу ова, итн итн. ако не измисоат и направат вакви главно неправди, во Македонија нема ниту значајни, ниту позитивни интересни вести или успеси на власта, нема сериозни случувања, нема како и со што медиумски да ги покријат деновите, месеците и годините на општо незадоволство на народот, секојдневните неправди, неработење на функционерите, огромна корупција и невиден криминал и проневери, погрешно донесени одлуки, предавства на национален интерес само за да се добие нечија наклоност однадвор, вртоглавиот раст на цените, осиромашувањето и тешката економска состојба, не функционирањето на институциите и хаосот и неодговорноста во нив, злоупотребите на власта, протестите на синдикатите, критиките на меѓународната заедница, секојдневните скандали, византиските игри внатре помеѓу самите кланови во партијата главно мотивирани за повеќе моќ и пари, огромното иселување на луѓето од Македонија, безнадежноста на народот кој останал и.т.н. - пишува Груевски.
И овој пат, поранешниот премиер, за разлика од времето кога беше премиер, напиша навистна долг пост.
Подолу во неговиот текст Груевски потенцира дека состојбите се вакви веќе цели 6 години и „Македонија се направи неверојатно деструктивно општество“.
- Националниот сон е скршен, а духот спуштен.
Народот веќе никому ништо не верува, и политиката и политичките дискусии се сведени на “дневна занимација за народот” и побудување ниски страсти од типот ситење на уапсени, радување и правење забава и хумор од туѓи несреќи и слично.
Ако мислите дека секаде е така…не, не е!
Има по нешто од сѐ ова насекаде, но како доза, не повеќе од 5-10 отсто од она што го прима македонскиот граѓанин секој ден.
Останатие 90-95 осто се други теми, многу поинтересни, покорисни, полесни, попозитивни, позначајни…затоа што во повеќето други земји има успеси за кои може да се зборува и се зборува, има напредок, има и секојдневно нови можности за секого, има долги и исцрпни теми за обликување на иднината, има ѕвезди, има научни напредоци, има интересни бизнис можности, има создавање дела, реформи, има убави работи - напиша Груевски.
Тој посочува дека сегашната ситуација е „одлика на крајно неспособна, безнадежно безидејна и екстремно криминална елита на власт, чии дух се шири како модел меѓу дел од новите тинејџерски генерации кои созревајки гледаат многу лош пример од кој учат. Нешто повозрасните од нив паметат дека може и многу подобро“.
- Тоа е еден маѓепсан круг од кој тешко ќе излезе Македонија.
Негативната селекција на кадри со најодговорни функции и медиокритетите се повеќе го завземаат просторот во политичкиот спектрум и тие се потешко ќе дозволуваат поспособните од нив да владеат и да носат значајни одлуки за државата, народот и нацијата - укажува Груевски.
Целосниот негов осврт може да го прочитете од неговиот Фејсбук профил.
Фото: Принтскрин/Фејсбук
Слично
Поврзани вести
