Првиот вицепремиер Артан Груби објави дека остварил средба со Весли Кларк, поранешниот највисок воен функционер на САД и НАТО.

„Задоволство да го пречекам денес на средба поранешниот генерал на Армијата на Соединетите Американски Држави и поранешен врховен командант на НАТО, г. Весли Кларк“, напиша министерот за политички систем на социјалните мрежи.

Тој додаде дека се зборувало и за воената интервенција на Русија во украина.

„Инспиративен разговор за тридецениското патување на земјата, за миротворните процеси, соживотот, добрососедството, евро-атланското партнерство, интеграцијата во НАТО и Европската Унија, но и за руската агресија во Украина и потребата од енергетскa независност на земјата и регионот“, додаде Груби.