Оптимизам има во Скопје по најавените иницијативи дека ќе помогне Грција во спорот со Софија. 

Премиерот Зоран Заев во интервју за дописничката на МИА во Атина, посочува дека Грција е еден од најпосветените наши пријатели за нашата ЕУ перспектива. Тој открива дека неговиот колега Кирјакос Мицотакис развил неколку позитивни идеи, кои би можеле да помогнат за oтстранување на бугарската блокада. Верува дека ќе се најде некое решение со Бугарија, затоа што, вели, проблемот не е од таква природа каде што би можел да биде пречка, имајќи предвид дека допрва се отвораат 35 поглавја и дека и на отворање и на затварање се носат одлуки од сите земји- членки.

Вицепремиерот за европски прашања Никола  Димитров вели дека веќе немаме луксуз да чекаме да почнеме преговори со ЕУ. 

Во Бугарија нема промена на ставовите кон Македонија.