Грција го поддржува усвојувањето на поранешната југословенска Република Македонија во ЕУ, но со почитување на европските принципи. 

Ова го изјавил грчкиот претседател Прокопис Павлопулос во Белград на заедничката прес-конференција со српскиот колега Александар Вучиќ. 

„Ако државата е насочена кон името што ја фалсификува историјата, тоа не е во согласност со европските принципи. Не е прифатливо државата да каже дека сака да влезе во ЕУ, туку да ги оспори границите. Ова води кон иредентизам, па затоа самата ја поткопува европската перспектива. Грција не може да го поддржи ова“, рекол Павлопулос. 

Истото важи и за Албанија, која, исто така, мора да ги почитува европските принципи ако сака да пристапи во ЕУ. Павлопулос уште истакнал дека Грција, која работи за европскиот пат на балканските држави, гледа позитивно на нивното пристапување кон ЕУ, но под одредени услови. 

„Сакаме земјите од Балканскиот полуостров да бидат во Унијата, за да создадеме југоисточно крило на Европа, кое ќе е еднакво со остатокот на Унијата“, рекол тој.