Против Договорот од Преспа се 22-ца Митрополити од Северна Грција. 

Тие изразија несогласување со овој Договор кој го решава спорот за името. Во писмо напишано на шест страници и испратено до Вселенскиот Патријарх Вартоломеј, до грчкиот државен Врв и Архиепископот Иеронимос изразија жалење затоа што не биле послушани нивните ставови, загриженоста и размислувањата за договорот.

Според нив, ратификација на Договорот од Преспа од парламентот на Грција, како и признавање на Автокефална црква на Македонија, не само  што нема да бидат основа за мирен соживот на грчкиот народ и народот на соседната земја, туку ќе бидат постојано жариште за негување на иредентизам и непријателство. 

Велат дека ниту еден договор не може да просперира ако не се базира на вистината. 

Грчкиот претседател, Прокопис Павлопулос во честитката упатена за Новогодишните и Божиќните празници ги повтори неговите ставови дека нема да прифати своеволни толкувања на Преспанскиот договор.