Грчките рибари, крајбрежната стража, полицијата, волонтери, цела ноќ трагаат по исчезнатите млади луѓе, кои вчера попладне откако славеле роденден, влегле во морето и според очевидци, за секудна исчезнале од пред очите на останатите. Тие биле однесени од силните бранови и морските струи во област, која според локалното население е исклучително опасна, заради силината на ветрот.

Се уште се шпекулира околу возраста на момчињата. Според некои тие се на возраст од 20 и 23 години, додека грчките медиуми пишуваат дека едниот има 28, а другиот 30 години. Tovima.gr наведува дека еден од тројцата млади момчиња, по неколку часа, односно околу 19 часот по локално време бил пронајден жив, со помош на сурфери, но другите двајца се водат како исчезнати. Медиумот наведува дека сите тројца се од Скопје, но македонските власти се уште не излегуваат со никакви детали.

Tovima.gr наведува и дека операцијата за спасување уште трае и дека сега се тешки моменти на исчекување