Градежната компанија Гранит минатата година заработила 5,8 милиони евра нето добивка по оданочување. Во финансискиот извештај на Гранит, објавен на берзата се гледа дека има раст на приходите за 10% и раст на расходите за 12%. Односно, лани приходите на оваа компанија биле 103,8 милиони евра, а расходите на компанијата и 97,3 милиони евра. При што на крајот од годината добивката Гранит има раст на приходите на домашен пазар за 9%, при што тие изнсуваат 93,6 милиони евра, а додека незначителен е растот на приходите на странските пазари, кои лани изнесувале 2,3 милиони евра. Во билансот на состојба се гледа дека лани компанијата имала раст на обврските спрема добавувачите за 33% во однос на 2012 година. Односно обврските спрема добавувачите и останати обврски изнесуваат 81,8 милиони евра (5.034.303.000 денари). Побарувањата од купувачите што ги има компанијата, лани во однос на 2012 година се зголемиле за 24%, односно изнесуваат  82,2 милиони евра (5.055.448.000 денари). Гранит има огормен скок и во делот на обврски за краткорочни кредити. Односно лани тие изнесувале 3 милиони евра, а во 2012 година биле 902 илјади евра. А додека пак во делот на долгорочни кредити има намалување, односно лани изнесувале 1,7 милиони евра додека во 2012 година биле 9,8 милиони евра.