Градежната компанија Гранит ќе гради и асфалтира улици и локални патишта во Струмица. Договорот со општината е веќе склучен и вреди 700 илјади евра, објави Бирото за јавни набавки. Договорот е со времетраење од една година, а критериум за добивање на јавната набавка била најниска понудена цена. Во следниот период градежната оператива на Гранит ќе биде максимално ангажирана бидејќи пред само два месеци компанијата склучи договори и со Министерството за транспорт и врски и со Агенцијата за државни патишта за изградба на патот од Прилеп до манастирскиот комплекс Трескавец и за доизградба на регионалниот пат од Конско до ски – центарот Кожуф.