„ГРАЃАНИТЕ НА МАКЕДОНИЈА НЕ ЗАСЛУЖУВААТ СЕКОЈДНЕВНА ПРОПАГАНДА СО КОЈА СЕ ОПРАВДУВА ЗОШТО НЕ СМЕ ДЕЛ ОД ЕУ“: Макрадули предлага платформа за широка коалиција
Јани Макрадули од СДСМ, смета дека на земјава и е потребна широка коалиција околу платформа која ќе има два столба. Овие сугестии доаѓаат како резултат на тоа што Македонија се уште не е дел од ЕУ, и оправдувањата на актуелната власт.
- “Деконструирање на лажниот патриотизам”. Имено, граѓаните на Македонија не заслужуваат секојдневна пропаганда со која се оправдува зошто државата не е дел од ЕУ, преку наметнување страв од уставни измени, додека истовремено главниот извор на приватни приходи им доаѓа преку бугарски фирми, а во меѓувреме, со парите на сите граѓани, се ангажира бугарска фирма за ПР- пропаганда.
- Враќање на пиедестал на општествените случувања, дека сѐ е политика, и барањето за молк околу некои тези - дека не смееме да ги политизираме, е лажно алиби кое ја загрозува иднината на Македонија.
Токму дебатата околу трагичниот настан во Кочани, и што потоа, е чиста политика, а не злоупотреба.
Наметнувањето страв не ја штити државата, туку само ја оддалечува од нејзината иднина.
И на крајот, изговорите не се политика, а пропагандата не е стратегија која носи добро за граѓаните…“, напиша тој.
Слично
Поврзани вести
