Граѓанин на општина Карпош стравува дека неговата семејна куќа, која се наоѓа веднаш до градежна парцела, би можела да се урне. Тој се пожали дека приватниот живот му е узурпиран, а околните станари имаат поплаки дека не биле известени детално на каков начин ќе се гради. Спроти новиот објект се наоѓа ОУ Владо Тасевски .

Од општината велат инвеститорот има градежна дозвола и пред да започне изградбата нотарски се обврзал да надомести доколку создаде било каква штета на околните објекти. Според направениот увид од општинскиот инспекторат е утврдено дека нема спорен момент и прекршување на процедурата на градење и велат доколку во иднина се појават соодветно ќе реагираат.