Што се случува во општина Радовиш? Кој против кој работи? Јавноста се прашува откако градоначалникот на таа општина изнесе низа обвинувања против членови на Советот .

Герасим Конзулов тврди дека советници работат против интересите на граѓаните.

– На последната седница на Советот советниците од ВМРО – ДПМНЕ, двајца независни и еден од СДСМ ја напуштија седницата со договор како да ги кочат граѓаните на општина Радовиш и поради тоа е одложена синоќешната манифестација за избор на спортист на годината на Радовиш, објаснува градоначалникот Конзулов.

Тој вели дека немало индиции дека  советниците ќе ја напуштат последната седница а револт од оваа постапка изразиле и претставници на спортските клубови .

На вчерашната средба со градоначалникот на Радовиш претставници на спортските клубови го искажале својот револт поради незавршувањето на седницата на која требало да се донесе и одлука за распределба на финансиски средства на спортските клубови за 2019 година и поради тоа е откажана манифестацијата за избор на спортист.