Советот на Град Скопје на денешната седница како една од точките на дневен ред че ја разгледува можноста за експропријација на пет катастарски парцели со цел да ја прошири парк-шумата Гази Баба.

„Во насока на зголемување на заштитата на локалитетот Парк - шума Гази Баба, Советот на Град Скопје ќе расправа за Предлог-Одлуката за отпочнување на постапка за експропријација на недвижност во подрачјето на локалитетот Парк - шума Гази Баба. 

Со истата се предвидува отпочнува постапка за експропријација на 5 катастарски парцели кои се наоѓаат во подрачјето на локалитетот „Парк - шума Гази Баба", со вкупна површина од 8.492 м2 и проценета вредност од 50.952.000 денари“, се вели во соопштението на Град Скопје.