ГОРИ НА ЧЕТИРИ ЛОКАЦИИ ВО ЗЕМАЈВА - екипите се на терен, но гаснењето е отежнато поради времето
Неколку активни пожари низ земајва се гаснат од повеќе различни екипи, но се уште има опасност да се прошират, и не се ставени под контрола.
Дополнително во пожарите е повредена една вработена во „Национални шуми“, која била хоспитализирана, а помош им била пружена и на други вработени во „Национални шуми“.
Еден од пожарите е во околината на село Длабочица во општина Старо Нагоричане гори мешана шума бор и сува трева информира од Tериторијалната противпожарна единица од општината и од Регионалниот центар за управување со кризи Куманово.
На терен се екипи од ТППЕ Старо Нагоричане, како и од кумановската подружница на „Национални Шуми“.
- Пожарот избувна после 13 часот. На терен бевме осум пожарникари и две противпожарни возила, на помош дојдоа колегите од ТППЕ од Ранковце со две противпожарни возила и четворица пожарникари и вработени од „Национални Шуми“. Дежураме и гасневме осум пожарникари и сè уште работиме.
Утринава пак продолживме, тука се и екипи од кумановската подружница на национални шуми - изјави командирот на ТППЕ Старо Нагоричане, Далибор Трајковски.
Како што објави заменик директорот на „Национални шуми“, Кире Михаилов, во текот на вчерашниот ден на територијата на цела Македонија имало 29 пожари на отворен простор, од кои 4 се сеуште активни, а 25 се целосно изгаснати.Активните пожари се влезени во шумски делови и тоа се :
1. Пожарот во општина Прилеп кај село Бешиште кој е приземен, гори трева и листењак во квалитетна мешана шума.
Вториот крак од овој пожар кај село Градешница, навлезен во општина Могила, утрово е повторно разгорен.
2. Пожарот во општина Валандово и покрај огромната заложба повторно е активен, а утрово таму се гаси и од воздух, а се користи и механизација.
Овој пожар има повеќе краци и истиот движи и кон село Паљурци во општина Богданци.
3. Пожар исто така имаме и на територијата на Макдонски Брод.
4. Последниот активен пожар е пожарот во општина Старо Нагоричане кај селото Длабочица кој засега е приземен во мешана борова и букова шума.
За жал, во овој пожар во Кумановско утрово имаме повредено и една колешка која е пренесена во општата болница Куманово.
Ова е четврта повреда на наш колега во борбата со огнените стихии.
Двајца колеги беа подложени на кислородна поддршка, а останатите двајца имаат други повреди.
Од Центарот за управување со кризи, исто така информираа дека вчера имало вкупно 29 пожари на отворен простор, од кои 4 се уште се активни, а 25 изгаснати, под контрола нема.
1. Општина Прилеп: с. Бешиште (приземен во квалитетна мешана шума); кракот кај с. Градешница, наутро повторно разгорен (опш. Новаци).
2. Општина Валандово: с. Грчиште и Опш. Богданци: с. Паљурци – с. Богданци (ниска вегетација и мешана ниска шума).
3. Општина Македонски Брод: с. Црешнево (деградирана дабова шума).
4. Општина Старо Нагоричане: с. Длабочица (мешана шума, бор и бука).
Слично
Поврзани вести
