Гореше кумановската општина од кујната на Баба Цана
Вчера попладне во Куманово избувна пожар кој најверојатно се проширил од познатиот етно ресторан „Баба Цана“. Оганот ги зафати и просториите на општина Куманово кои се наоѓаат во центарот на градот.
Според информациите на противпожарните служби горел центарот за финансии во општината што е подрачна единица на Министерството за финансии на Република Македонија.
За час и пол пожарот бил изгаснат од страна на ТППЕ-Куманово.
Денес ќе се врши увид на местото на пожарот по што ќе се утврдат точните причини за негово проширување, како и материјалната штета.
Слично
Поврзани вести
