Од Mastercard најавуваат дека од 2030 година треба да воведат големи новини за корисниците. Од европските корисници повеќе нема да се бара рачно да ги внесуваат броевите на нивните картички кога вршат онлајн трансакции.

Mastercard исто така најавува дека сите картички што ги издава на својата мрежа во Европа ќе бидат „токенизирани“, пренесува CNBC.

Медиумите прецизираат дека наместо 16-цифрениот број на картичката што се користи за трансакции, тој ќе биде заменет со случајно генериран токен.

Компанијата вели дека работи со банки, финансиски компании, трговци и други партнери за постепено укинување на рачниот внес на картички за е-трговија до 2030 година во Европа.

Наместо тоа, ќе се користи копче со еден клик, што треба да ги заштити картичките на потрошувачите од измамнички обиди, според Mastercard.

Корисниците нема да мора да внесуваат лозинки секогаш кога ќе сакаат да платат нешто онлајн, бидејќи технолошката компанија воведува клучеви за пристап кои ги заменуваат лозинките.

Mastercard, исто така, ќе им овозможи на клиентите да завршат трансакции со еден клик при наплатата користејќи биометриска автентикација со отпечатоци.

Mastercard наведува дека „токенизацијата“ треба драматично да го намали бројот на измами.