Голем пожар изби попладнево во скопската наслеба Геге во општина Ѓорче Пeтров, кој подоцна се прошири и кон населбата Бардовци, при што бил зафатен и дел од дворот на Психијатриската болница Бардовци. 

Според Центарот за управување со кризи (ЦУК) од каде вечерва соопштија дека пожарот е ставен под контрола пожарот, дворот на Психијатриската болница Бардовци, бил обраснат со висока сува трева и дрвја и имало опаснсот да ја зафати и целата болница.

- Пожарот претставуваше опасност да се прошири во целиот комплекс на болницата. Веднаш беше пристапено кон евакуација на пациентите и персоналот, кои беа безбедно изнесени надвор. 

Во моментот, пожарот е ставен под контрола и нема потреба од дополнителна воздушна поддршка. Хеликоптерот на МВР останува ангажиран на пожарот кај Блаце, општина Чучер Сандево - наведуваат од ЦУК. 

Бригадата за противпожарна заштита, како што изјави за МИА командирот Ѕвонко Томевски,  вечерва интервенира во гаснење на пожарот над патот кон ГП „Блаце“ со пет возила и 20 пожарникари,  како и на два пожара во општина Ѓорче, кои се веќе локализирани. 

Томевски прецизираше дека локализирале пожар во Ѓорче Петров кај Бека мебел спроти Лепенц, каде биле зафатени грмушки, сува трева и отпад на поголема површина. Интервенирале со четири возила и 12 пожарникари и како што рече, не може да се шири.  

Во истовреме, посочи, имаше пожар од другата страна на Лепенец кон болницата Бардовци, каде интервениравме со три возила  и седум пожарникари, исто така е локализиран и се работи на догасување.