Непознати  лица го претепале 70 годишниот Јосе Петров од струмичко Градашорци оти пријавил дрвокрадство во атарот на селото Варварица  каде чува пчели.  Тој се здобил со повреди по лицето и телото. Тврди дека останал жив благодарение на пријателите  со кои ја чекал шумската и цивилната полиција да ги фатат крадците на дело кои вршеле нелегална сеча во семејната корија.

„Еден од нив од задната страна ме удри со дрво по главата и јас паднав на земјата. Едвај ги отргнаа напаѓачите едвај преживеав. Ме нападнаа затоа што сум пријавил дрвокрадство во шумската и цивилната полиција“, вели Јосе Петров– пчелар во Варварица, за 24вести.

 Тој сега се плаши да отиде на пчеларникот.

„Во Варварица има многу кражба, а овластените лица не можат да ги запрат. Сега се плашам да отидам кај пчеларниците“, вели Јосе Петров – пчелар во Варварица

Инцидентот  Петров го  пријавил кај надлежните  откако му биле санирани повредите во болницата. Од полиcијата велат дека работат на целосно расветлување на случајот . По земените изјави на оштетниот откриен е идентитетот на насилниците и против нив ќе се поднесат пријави за физички напад.