ГИ КРШАТ КОРПИТЕ И ГО ФРЛААТ ЃУБРЕТО: Срамно, вели директорот на Комунална хигиена
Анонимно од страна на граѓани ни беше испратена оваа снимка на којашто може да се види како поединци намерно ги уништуваат садовите за одлагање на отпадот и разнесуваат отпад низ центарот на Скопје, напиша денеска на фејсбук Зуди Енузи Кока, в.д. директор на Јавното претпријатие „Комунална хигиена“
Срамно!
Ваквото недолично и безобразно однесување каде што може да се види и уништување на јавен имот е забележано на неколку локации низ градот, на местата каде што комуналните служби претходно имаат исчистено, поединци отпадот го разнесуваат намерно и од црни кеси го истураат на јавни површини.
Дали станува збор за организирана акција ќе треба допрва да се утврди.
Ги повикувам граѓаните да реагираат на ваквото срамно однесување, а доколку забележат вакво однесување на поединци или групи истото да го пријават.
Скопјани заслужуваат да живеат во чиста животна средина, а ваквото однесување е непочитување на трудот на комуналните служби, но и претставува казниво дело.
Слично
Поврзани вести
