Гевгеличанец се гони за измама, откако лажно се претставувал како вработен во Фондот за здравстено осигурување и успеал со лага да приграби дури шест илјади евра. 

Како што објави Министерството за внатрешни работи, надворешната канцеларија за криминалистички работи Валандово поднела кривична пријава против И.П.(43) од Гевгелија, поради постоење основано сомнение за сторено кривично дело „измама“. 

- Во периодот од август 2022 до мај 2023 година, пријавениот преку телефон, лажно се претставувал како С.Г., вработен во Фондот за здравство, при што со нудење на помош за подигање на парични средства од Фондот, со измама ја навел А.Г. од с.Балинци да му исплати околу 6.000 евра - пишува МВР во билтенот.