Пристигнаа германските експерти за истрагата на пожарот во болницата во Тетово. 

Тим од германски експерти кои треба да ги истражат причините и околностите за пожарот во модуларната ковид болница во Тетово денеска пристигна во државава, потврдија за МИА од Владата. Германскиот тим од Федералната криминалистичка служба, како што беше најавено претходно, е составен од четворица експерти и тоа од двајца крим техничари и форензичари за истражување пожари и двајца крим техничари и форензичари за ласерско мерење на простории и за фотографирање. Во пожарот во модуларната болница во Тетово пред една недела загинаа 14 луѓе. Ќе се чекаат сите детали за да се види што со оставките на министерот за здравство, Венко Филипче и раководството во тетовската болница. 

Основното јавно обвинителство Тетово продолжува со континуирано преземање дејствија за расчистување на трагичниот настан во модуларната ковид болница.