Германскиот пратеник Тобијас Цех од владеачката ЦСУ поднесе оставка затоа што земал пари во готово за да лобира за поранешниот премиер и претседател на ВМРО-ДПМНЕ, Никола Груевски, објави „Шпигел“.

Цех му овозможил во септември и ноември 2016 во Берлин да се сретне со тогашниот сојузен министер за економска соработка Герд Милер, а потоа и со министерот за внатрепни работи Хорст Зехофер во Минхен, како и со други високо рангирани политичари. 

Пратеникот од  Христијанско-социјалната унија (ЦСУ), сестринска партија на ЦДУ на канцеларката Ангела Меркелза, за тоа на ВМРО-ДПМНЕ му наплатил околу 50 илјади евра. Цех во ноември 2016 се појави и на митинг на ВМРО-ДПМНЕ во предизборната кампања .

Тој парите ги земал преку фирмата „Скалигер Стратеџи Консалтинг ореку која склучил договор за ОР-консалтинг со ВМРО-ДПМНЕ. Покрај ова, му се препишуваат и други скандали преку оваа фирма, поради што Цех бил приморан да поднесе оставка.