Поранешниот премиер, Љупчо Георгиевски вечерва во Топ тема на Телма изјави дека изборите се ризик кој може да го закопа Договорот. 

„На избори повторно ќе се сведе на тоа кој е ЗА, а кој Против договорот, исто како на референдумот. Мислам дека со избори само ќе го потврдиме ќорсокакот. Ризик се изборите зошто може да го закопаат договорот и меѓународната заедница да се откаже од нас. ВМРО-ДПМНЕ очекувам дека ќе продолжи да се однесува популистички. Може и да се случи претседателот пак да одбие да додели мандат. Затоа, мислам дека изборите се потешкиот пат“, рече Георгиевски. 

Toј вели дека е реално пратениците да бидат заплашени од граѓани, институции и од партиското раководство доколку гласаат. 

„Доволно е да размисли дали утре јас пак ќе бидам кандидиран за пратеник“ - рече Георгиевски. 

За ВМРО-ДПМНЕ вели дека проблемот со името е и нивни и тие ќе го наследат ако не се реши.