Скопското обвинителство предложи до Судот да изрече парична казна од 5.000 евра за управителот на кафе-барот „Интермецо“ откако ја отстрани пломбата на влезот кој бепе „запечатен“ поради гласна музика, од која се жалеа локалните ќители во скопската населба Капиштец.

Управителот ја отстранил пломбата и покрај донесеното решение за забрана за работа, а кафе-барот продолжил да работи.. Тој е обвинет за кривично дело симнување и оштетување на службен печат или знак.

 „Обвинетиот, на 2 ноември, во деловните простории на правен субјект на улица „Митрополит Теодосиј Гологанов“, симнал службен знак поставен од страна на овластено службено лице – инспектор за животна средина од Општина Центар. Знакот бил поставен заради осигурување на објектот, а врз основа на донесено решение за забрана за вршење угостителска дејност во рок од 30 дена, откако со мерења било утврдено дека угостителскиот објект емитувал ниво на бучава над пропишаните гранични вредности“, соопшти обвинителството. 

Обвинетиот сепак го отстранил службениот знак за запечатување на локалот, влегол во објектот и продолжил со вршење на дејноста. 

„Надлежниот јавен обвинител му предложи на Судот за обвинетото лице да изрече парична казна во висина од 100 дневни глоби, при што висината на една дневна глоба да биде определена на 50 евра во денарска противвредност.​“, додаваат од ОЈО.