Шпанија се соочува со недостиг на работници во угостителската индустрија, па рестораните и кафулињата би можеле да го намалат бројот на достапни маси.

„Се соочуваме со ужасен недостиг на работници во угостителската индустрија“, рече Рафаел Торибио, директор на агенцијата за вработување Adecco во Севиља.

Севиља е позната по сончевото и топло време привлекува многу гости во градот.

Од Торибио велат дека добиле 200 барања за работа, но дека не можат да покријат ни 70 проценти од потребата од работници.

Директорот на шпанското здружение на угостители Хозе Луис Изуел се жали на агенциите кои посредуваат за вработување.

„Не ни наоѓаат доволно луѓе“, забележува тој. Изуел додава дека договорите што ги нудат на потенцијалните келнери, готвачи и другиот персонал ги исполнуваат „строгите критериуми“.

Шпанија, една од водечките туристички дестинации во светот, се соочува со недостиг од работници во време кога очекува масовен прилив на посетители. Многумина не можеа да патуваат во претходните години поради воведените рестриктивни мерки поради коронавирусот, па сега сакаат да го надоместат тоа.

Во приморскиот град Аликанте проценуваат дека кафулињата во наредните денови ќе бидат полни 90 отсто, но гостите ги пречекуваат неподготвени.

„Нема да можеме да ги услужиме сите гости бидејќи едноставно немаме доволно вработени“, вели Ирене Мас, потпретседател на локалното угостителско здружение АПЕХА.

„Исклучително е тешко да се најдат работници, така што ова сега е сериозен проблем“, додава тој.

Изуел од здружението на угостители смета дека кафулињата и рестораните ќе мора да отстранат некои маси за да можат да ги послужат гостите.

Стравувајќи дека недостигот од работници може да се прелее и летово, здружението на угостители во крајбрежниот град Кадиз предложи да се донесат работници од соседно Мароко.

Шпанскиот синдикат тврди дека проблем не е недостигот на работници во Шпанија, туку лошите услови за работа во кафулињата и рестораните.

„Луѓето претпочитаат да бараат работа во други сектори, бидејќи во угостителството се работи прекувремено, нема слободни викенди, па тешко е тоа да се води и  семеен живот“, велат од синдикатот.

EFE објави кореспонденција од страницата „Јас сум келнер“ (Soy camarero) на Твитер.

Таму неименуваниот раководител на угостителскиот објект наведува дека платата е од 1.000 до 1.100 евра, а работното време е од 11 до 17 часот и од 20 часот до затворање на објектот околу 12.30 часот.

„Ви благодарам многу, но ропството беше укинато во Шпанија во 1837 година“, напиша неименувано лице кое се интересирало за условите за работа таму.