Откако пратениците ја изгласаа новата македонска влада со 62 гласа „ЗА“, 44 „против“ и 5 воздржани, новиот премиер Зоран Заев и министрите кои се дел од неговиот владин кабинет, положија свечена заклетва.

По свечената заклетва следеа честитки и таканареченото „фемили фото“ на кое се сликаат традиционално сите нови министри и премиер.

На првата изјава по изборот на новата влада Заев ја честита новата влада и побара поддршка од сите пратениците и од опозиционерите за рефоормите кои ќе следуваат .

По завршувањето на церемониите во Собрание, премиерот и министрите се упатија кон седиштето на нивната партија каде што беа дочека од толпа граѓани кои дојдоа да им дадат поддршка и да им ја честитаат новата влада.

Новото парламентарно мнозинство го сочинуваат СДСМ, и двете албански партии ДУИ и Алијансата за Албанците.

Освен Заев, кој е избран за премиер, новата влада има и три вицепремиери-Бујар Османи кој ќе биде задолжен за европски работи, Кочо Анѓушев кој ќе биде надлежен за економски прашања и Хазби Лика на кој му припадна подрачјето за политички состав и односи меѓу заедниците.