(ГАЛЕРИЈА) ПАРАДАТА НА ГОРДОСТА НИЗ ФОТОГРАФИИ - кој се дојде и и даде поддршка на ЛГБТИ заедницата
Табу темите изгледа полека си заминуваат од овие простори, иако, како што вчера изјавија и самите учесници, има уште многу работа за македонското општество да стане инклузивно и толерантно.
Вчерашната парада на горфдоста покажа дека во земјава има многу граѓани кои не ја осудуваат ЛГБТИ заедницата, туку, напротов, и даваат целосна поддршка да ги ужива стите права како и сите други граѓани, да не биде стигматизирана и осудувана.
Се проценува дека неколку илјади граѓани биле на овој настан.
Меѓу учесниците беше и американската амбасадорка Кејт Мери Брнз.
„Гордо се приклучивме на #SkopjePrideParade денес за забавен и позитивен настан. Заедно се залагаме за еднаквост и слобода на сите граѓани на Северна Македонија и светот. Месецот на гордоста се залага за пркос пред неправдата, и борбата да се осигура дека сите луѓе ќе бидат третирани достоинствено и почит“, пишуваат од амбасадата.
На парадата присуствуваше и вицепремиерот за евроинтеграции, Бојан Маричиќ.
„Горди сме на слободата која ја живееме. Но, слободата ниту е конечна, ниту е доволна, особено ако сѐ уште постојат луѓе кои не се чувствуваат слободни.
„Моето присуство на Парадата на гордоста е чин на солидарност и максимална поддршка на борбата за човековите права и слободи на секој еден, на секоја една.
Денес на ЛГБТИК+ парадата се маршираше против хомофобијата, секаква омраза, насилство и дискриминација. Да градиме општество еднакво за сите и да научиме да живееме со почит и толеранција, прифаќајќи ги различностите. Да се излезе за љубов и за еднаквост е достоинствено и праведно“, напиша Маричиќ.
И министерката Тренчевска беше дел од парадата.
„Под мотото „Излези за љубов! Достоинство. Еднаквост. Правда.“ денеска во Скопје се оддржа Парадата на гордоста, настан од и за ЛГБТИ заедницата, но и за сите поддржувачи на борбата за еднаков третман на сите луѓе.
Министерството за труд и социјална политика, го донесе Законот за спречување и заштита од дискриминација со кој се уредуваат превенцијата и забраната од дискриминација. Целта на овој закон е обезбедување на принципот на еднаквост и спречување и заштита од дискриминација во остварување на човековите права и слободи. За прв пат како основ за дискриминација се дефинирани сексуалната ориентација и родовиот идентитет.
Правото на избор секој да го живее сопствениот живот со изборот што го направил е неприкосновено право. Да се научиме да живееме и да практикуваме толерантност, почитување и прифаќање на различностите. Едно општество за сите!“, пишува таа.
Емил Кирјас, политичар и граѓански активист, исто беше дел од парадата.
„Зошто на Парада на #гордост во #Македонија? За сите #ЛГБТИ+:
- млади кои ја немаат поддршка од најважното - семејството, се кријат и мизеруваат
- жртви на физичко и вербално насилство кои институциите не ги штитат
- кои се лажно женети, па животот им е хипокризија и голема лага
А многу се! Навистина многу! Секој заслужува #среќа и вистинска #љубов“, пишува на фејсбук.
И новинарот Огнен Јанески присуствуваше.
#LoveIsLove #HappyPride #SkopjePride <3<3<3
photo by: M. Andonovski“, напиша Јанески.
Слично
Поврзани вести
