Висока владина делегација денеска во Криволак ја имаше честа да присуствува на заедничката воена вежба на македонската и на американската војска „Змеј заштитник 17“ (Dragoon Guardian 17).

Пред Премиерот Зоран Заев, министерот за внатрешни работи Оливер Спасовски, министерката за одбрана Радмила Шеќеринска и американскиот амбасадор Џес Бејли високи претставници во АРМ и МО, одбранбени аташеи и претставници на НАТО канцеларијата за врски вежбаа 90-тина припадници на АРМ од инженерскиот баталјон од составот на Првата механизирана пешадиска бригада и околу 300 припадници на (2 Cavalry Regiment“ на Армијата на САД во Европа. 

Целта на вежбата е подобрување на интероперабилноста на АРМ со НАТО стандардите, зајакнување на постојното партнерство со САД како и демонстрација на можностите на вооружените сили на двете армии за помош и поддршка на цивилното општество.