Од почетокот на епидемијата, односно од март до сега 20 родилки вкупно се потврдени како позитивни на корона вирусот на Клиниката за гинекологија, вели за Фактор, директорката на ГАК, д-р. Викторија Јовановска.

Вели дека во одделот за самоизолација на Клиниката, се уште има слободни места, но бидејќи таму задолжително одат сите родилки кои доаѓаат додека ги чекаат резултатите од Ковид-тестовите, во преговори се со министерството да им се обезбедат брзи ПСР-тестови.

-За сега има место во тој оддел за самоизолација, но ние мопра да направиме планови за да не дојде до преоптовареност. Поради тоа веќе разговараме со министерот Венко Филипче, но и генерално со министерството за да ни се обезбедат брзите ПСР тастови кои само за 40-тина минути ќе покажат дали родилката или останатите пациентки се позитивни на вирусот и мора да бидат сместени во одделот за самоизолација, или пак не се и може слободно да ги хоспитализираме на одделите на Клиниката, вели д-р. Јовановска за Фактор.