Функционери на СДСМ на социјалните мрежи споделуваат стара вест со вчерашен датум од Зоран Заев кој како тогашен премиер на 1 февруари 2019 најавува бришење на долговите за струја настанати до 2006 година за 200.000 граѓани и семејства кои се заглавени во лавиринт со проблеми од извршители и блокирани сметки.

Ова претседателот на СДСМ го ветуваше точно пред една година на трибина во Охрид, најавувајќи дека дека има прогрес во преговорите со ЕВН и ЕЛЕМ за бришење на долгови за струја, иако засега тоа не е остварено.

„Разгледавме ситуација за стари долгови за струја до 2006 година за 200.000 семејства и граѓани кои се заглавени во вакви лавиринти на извршители и блокирани сметки. Овие денови сме во длабоки преговори, волјата денеска можам слободно да ја соопштам, а кога правно формално ќе го потпишеме договорот јавно ќе соопштиме“, рече Заев на трибината