Фросина Ременски почна со работа како генерален конзул во Венеција
Поранешната функционерка на СДСМ започна со работа како генерален конзул во Венеција назначена од Владата. Добредојде и посака Фатон Асани, владиниот координатор за дијаспора.
„На средбата беше разговарано за работата на ГК Венеција на дневна основа, а пред се'за динамиката на термини за издавање на нови патни исправи кои со новиот Генерален конзул и реорганизацијата имаат динамика на работа што е потврдено и од наши сограѓани кои живеат и работат во Р.Италија кои закажале теермини за сликање, добиваат термини со поблиски датуми и им се издадени пасоши.
Разговаравме за настани кои ги организираат нашинците и кои се случуваат во тековната година од културно -уметнички и спортски карактер во различни региони на Италија каде што живее нашата дијаспора“,напиша Асани.
На 13 февруари Владата донесе одлука за генерален конзул и шеф на генералниот конзулат на Македонија во Венеција, Италија, да ја именува Ременски.
Таа е редовна професорка на Факултетот за безбедност во Скопје. Како член на СДСМ беше пратеник, потпретседателка на Собранието и министерка за труд и социјална политика на Македонија.
Слично
Поврзани вести
