ФРОСИНА РЕМЕНСКИ ЈА ПРОЗВА МИЛА ЦАРОВСКА - за сведочење за Меѓународен сојуз
Фросина Ременски е во недоумица зошто досега министерката Мила Царовска не го демантирала тврдењето на сведокот во судењето во Меѓународен сојуз, дека со неа имала лично познанство.
Еве што напиша Ременски на својот фејсбук профил.
„Вчера на судското рочиште за "Меѓународен сојуз", "сведокот" г-ѓа Лилјана Тодоровска на прашање на ЈО Ивана Трајчева, под заклетва по вторпат (прво пред ОЈО ГОКК, вчера пред Судот) експлицитно изјави, цитирам:
‚Имам лично познанство со Мила Царовска ..., бев во МТСП и го презентирав проектот ..., многу и' се допадна и ми кажа ден, место и време на основање на Меѓународниот сојуз преку кој може да се реализира проектот ...'
Ова е дел од изјава на сведок на ОЈО (24.03.2021).
Минатата година кога ова "упатување во Меѓународен сојуз" во Суд го посочи Бојан Јовановски врз основа на исказ на госпоѓата пред ЈО , вицепремиерката Мила Царовска излезе со остар демант и најави тужба за клевета (23.07.2020)
Во таа изјава на вицепремиерката таа нагласи дека, не ја познава г-ѓата Лилјана Тодоровска и дека не соработувала со неа.
Немам информации дали има тужба за клевета, но до објавување на овој статус чекав да видам дали ќе има демант и најава за тужба за клевета за "сведокот" г-ѓата Лилјана Тодоровска од (сега) министерката за образование и наука.
До сега нема!
Дали отсуството на демант за изјавата на сведокот под заклетва пред Судот произлегува од потребата за легитимирање на статусот на овој (според сите полициски правила) дискутабилен "сведок" кој "не знаел ништо за ништо", или пак е опасност за "сведокот" и неговата кривична одговорност за давање на лажен исказ пред ЈО и на Суд под заклетва.
Добар PR за PR-обвинение мора за се признае“, напиша Ременски.
Слично
Поврзани вести
