На Германија до крајот на следната деценија би можеле да и недостигаат 4,9 милиони работници, а овој недостаток германската економија би можел да ја чини 525 милијарди евра.

Тоа произлегува од студијата на консултантската компанија Korn/Ferry, пренесуваат германските медиуми, пишува агенцијата Хина.

„Најголема штета од недостатокот на работна сила би можела да претрпат компаниите во услужниот сектор, вклучувајќи го и финансискиот, на кој до 2030 година би можеле да им недостигаат 1,2 милиони работници“, произлегува од студијата „Недостиг на таленти“ на консултантската компанија  Korn/Ferry,  а од која ги цитираат германските медиуми.

Исто така ќе биде погодена и машинската индустрија, главната германска извозна гранка.

Понатаму се наведува дека од европските земји ќе биде најсилно погодена од недостатокот на работна сила.