(ФОТО) Заев се врати предвреме од одмор, замина во Будинарци
Премиерот Зоран Заев предвреме се врати од летниот одмор и денеска го посети беровско Будинарци, едно од местата каде што се закануваат пожарите.
„Во овие денови на регионална солидарност, уште еднаш упатуваме огромна благодарност за помошта која е веќе на теренот, а пристигна од Србија, од Словенија и од Австрија, како и за двата авиони кои пристигнуваат од Романија.
Ситуацијата ја следиме постојано и будно, во постојана ангажираност и координација се сите капацитети на државата и заедно со граѓаните и со пријателската помош заедно ќе се справиме со оваа опасност.“, објави премиерот.
Владата вчера објави дека премиерот од 3 до 12 август ќе го користи летниот одмор, но дека е во постојана координација со останатите членови на Владата и со службите кои работат на теренот.
Слично
Поврзани вести
