(ФОТО) Пожарникарите ја испумпуваат водата од поплавените објекти во Делчево
Од Центарот за управување со кризи (ЦУК) информираат дека од 16:30 до 18:20 часот градот Делчево го зафати големо невреме (врнежи од дожд и град), при што има поплавено повеќе од 60 објекти во населбата Пролет и на улицата Индустриска.
„На терен се излезени ТППЕ Делчево и ЈПКД Брегалница со цела нивна екипа, и вршат испумпување на вода од поплавените објекти“, соопштија од ЦУК.
Поголем дел од градот е без снабдување со електрична енергија.
Улиците во градот се како реки. Нестабилното време ќе продолжи и во следните десетина дена.
фото ЦУК
Слично
Поврзани вести
