Трет ден родителите на децата со посебни потреби кампуваа пред Собранието во Жена парк.

Тие бараат институциите да покажат слух за нивните најмили и да обезбедат подобри услови за живот на оваа категорија граѓани.

Изминативе ноќи тие спиеја на отворено небо и минусни температури а поддршка вчера добија од пратениците на СДСМ .

Добија и низа ветувања од политичарите а пратеници во координација со надлежните министерства, Фондот за здравство и пратеници формирале и работна група, која ќе инсистира во рамки на институциите да се профункционира посебен сектор кој ќе ги решава нивните проблеми. 

Сепак тие собираат 10.000 потписи за да иницираат законски измени и бараат отворање на дневни центри и вработување на соодветен персонал.

Министерот за труд и социјална политика Ибрахими, им порача дека барањата адресирани до Министерството ќе бидат прифатени, а некои од родителите имаа разговори и со претставници на ВМРО-ДПМНЕ и на СДСМ.

Собирот е организиран од здружението „Сплотени срца“ откаде што велат дека целта им е да бидат видливи за политичарите и да ги запознаат истите со секојдневните проблеми на овие деца.