Од први месецов и официјално стартуваше проектот „Безбеден град“, според кој секој што нема да ги почитува сообраќајните правила и прописи ќе добие казна.

Оттогаш важат правила и за прекорачената брзина на возење, а има и праг на толеранција.

За возачите кои се движат со брзина до 50 километри на час, камерите ќе толерираат дополнителни 6 километри на час пред да се казни возачот. Онаму каде што дозволената брзина е од 50 до 100 километри на час, толеранцијата е 9 километри на час, додека на патиштата со дозволена брзина од 100 километри на час, казната ќе стигне дури ако се вози со 113 километри на час или повеќе.

Граѓаните кои надминале 50 километри на час, а сепак се во рамки на прагот на толеранција, добија пораки од МВР со предупредување иако не заработија казна.