Доцна синоќа во Мала Речица во тетовскиот крај беше доста драматично, откако поголема количина на вода се слеваше низ селото под закана да ги поплави каналите и потоа да настрадаат и самите куќи.

Според Центарот за управување со кризи, тетовскиот крај има голема акумулација на води од обилните врнежи од дожд, како и од топењето на снегот на планинските предели и состојбата е критична на повеќе точки, особено покрај течението на реката Вардар. 

Од ЕЛЕМ е побарано и да биде намалено производсвото на електрична енергија.

Состојбата треба будно да се следи, а вчера веќе заседаваше Комитетот за управување со кризи од каде беа донесени повеќе заклучоци до надлежните институции, па да се надеваме дека до поголеми последици со поплавите нема да дојде.