ФОКУС НА ДЕНОТ: Русија го одблокира македонското овошје
Од понеделник официјално ќе се укине забраната од Русија за увоз на македонско коскесто овошје.
Тоа значи дека македонските цреши, сливи, праски и слично повторно ќе се најде на пазарот во Русија.
До забрана од руската страна дојде во август претходната година, кога во македонските производи беше пронајден штетниот организам Monilina Fructicola .
*Синдикатот на одбраната за приватната агенција - Сите дојденци во МО да ги напуштат позициите
Синдикатот на одбраната и безбедноста остро смета дека не е во ред решението касарните да бидат обезбедувани од приватни агенции наместо од самите војници. Претседателот на СОБ Ристо Ајтов вели дека сите дојденци во МО кои не се разбираат од безбедноста веднаш да ги напуштат позициите и на нивно место да дојдат професионалци. - Анализата читајте ја тука.
* „Сеавус“ ја „шие“ конкуренцијата: колку пари прави оваа софтверска компанија
„Сеавус“ има најголеми приходи и најзначен профит во споредба со другите компании кои беа предмет на споредбата. Оваа голема софтверска компанија која години наназад успешно работи во земјава лани имала приходи од продажба во износ од 19,67 милиони евра. Тие пораснале за 24,5 отсто во однос на 2017 година.
*„Ван Хол“ во големата тројка на странски инвестиции кои „газат“Производителот на автобуси, чија фабрика е лоцирана во индустриската зона во Илинден лани оствари приход од 179,2 милиони евра и тој пораснал за 32 отсто во споредба со 2017 година.
*Драконски казни за туристите во Будва: За шетање во бикини ќе платите 600 евра, но тоа не е се
По примерот на Хрватска , Будва планира да воведе казна за шетање без маичка во износ од 500 евра, а за шетање во костим за капење 600 евра . Оние кои јадат и пијат на јавна површина ќе бидат казнети со 700 евра.
Надлежните служби во Будва ги повикале граѓаните поради значењето на Одлуката за комунален ред во секојдневното функционирање на градот, граѓаните, економските субјекти, туристите , како и нивниот однос кон заедничките јавни површини, во што поголем број да им помогнат со сугестии во креирање на нацрт Одлуката за комунален ред, јави РТС Будва.
Слично
Поврзани вести
