Снег има во цела Македонија, што го попречува сообраќајот. 

Општина Сопиште е отсечена од Скопје по обилните врнежи на снег, поради кој жителите не можат да се движат кон градот. Автобусите не одат кон Сопиште, Св. Петка, Добри Дол и Соње заради тоа што не е исчистен патот од Припор кон овие места. 

Нашата земја ќе стане Република Северна Македонија за околу две недели. За толкав временски период според процедурата треба да стапи на сила Договорот од Преспа. 

Премиерот Зоран Заев на отворањето на владината кампања „Силна економија, шанса за сите“ во Велес изјави дека е сигурен дека во рамките на неговиот мандат како шеф на Владата ќе го исполни ветувањето од 500 евра просечна плата во Македонија.

- Железни опинци ќе облечам ама просечна плата од 500 евра мора да има. Ќе се фатиме за работа, ќе засукаме ракави и, како што вели канцеларката Ангела Меркел, ќе почнеме со „арбајтен“. Оваа година ќе има уште едно зголемување на минималната плата, а очекувам и побр развој со членството на Македонија во НАТО - рече Заев на трибината.

Од ВМРО-ДПМНЕ велат дека плата од 500 евра нема, како што нема почист воздух, а премиерот Зоран Заев според нив ги повторува истите лаги, и народот повеќе не му верува.

Премиерот Алексис Ципрас има рече на пратениците на Комунистичката партија (ККЕ) во Парламентот на, како што кажа тој, „славомакедонскиот буквар што комунистите го делеа во Ташкент на децата на славомакедонските борци на ДАГ, 70-те илјади бегалци од Граѓанската војна и на Славомакедонката Мирка Гинова, првата жена стрелана во Граѓанската војна во Грција“. 

Ципрас во своето обраќање за време на расправата за ратификација на Договорот од Преспа, им рече на пратеници од ККЕ, кои се против Договорот од Преспа, дека ќе ги остави сами да се справат „со овие грижи на совест што ги имате“.