Екс премиерот во бегство Никола Груевски преку Фејсбук статус застанува во одбрана на поранешниот директор на БЈБ, Митко Чавков.

Чавков синоќа заврши зад решетки, а Груевски и овој пат пишува дека и ова апсење е лична одмазда на премиерот Заев поради предметот „Поткуп“.

Според ОЈО Чавков беше уапсен бидејќи планирал бегство.

„Ова трето по ред апсење на Митко Чавков, како и претходните две, како и целиот прогон против него е лична одмазда на Зоран Заев кон него заради предметот ,,Поткуп" каде по лична пријава на жртвата бизнисмен, по налог на обвинителството и со спроведен налог од МВР со видео снимка се документираше и предаде на судот очигледен доказ кој потоа стигна и до македонската јавност која виде како градоначалникот Зоран Заев бара поткуп и објаснува како тоа е нормална работа во неговата општина“ - пишува Груевски на Фејсбук. 

Албанскиот премиер Еди Рама по средбата со шефот на македонската влада Зоран Заев во Тирана рече дека постигнале договор за создавање заедничка економска зона меѓу двете земји. Рама меѓу другото рече дека земјите од Западен Балкан треба да воспостават заедничка транзитна зона, налик „Шенген“ на земјите во ЕУ, каде што луѓето ќе се движат слободно низ границите без проверка.

„Ние почнавме таков процес со Косово зшто е само почеток да се задржи чекор со другите земји во регионот. Сите балкански земји треба да бидат вклучени во овој процес. Границите ќе бидат слободни со сите земји од Западен Балкан, како што е тоа меѓу оние од Европската унија. За граѓаните да влезат и да излезат без никаква контрола на двете страни на границата - рече Рама.

Заев во својот говор се заблагодари на државата пријател на Македонија, Албанија, која го ратификуваше протоколот за пристап на Македонија во НАТО меѓу првите. Тој нагласи дека паралелно двете земји се фокусирани на јуни, за кога двете земји очекуваат да добијат Датум за преговори со ЕУ.

Распуштањето на Секретаријатот за спроведување на Охридскиот договор предизвика реакција на негодување од страна вицепремиерот Хазби Лика, кој се противи на трансформацијата на овој орган во министерството за политички систем. Оваа владина одлука го тангира Лика, затоа што по правило вицепремиер за спроведување на Рамковниот договор е и на чело на овој Секретаријат кој инаку е позбнат по тоа што вработува околу 1.700 службеници.

„Чувствувам обврска да се изјаснам пред вас за ситуацијата создадена неодамна на иницијатива на ДУИ за распуштање на Секретаријатот за спроведување на Охридскиот рамковен договор, како и за утврдување на Министерството за политички систем и односи меѓу заедниците, иницијатива која утре ќе се најде пред пратениците. Јас како претставник на ДУИ и Владата на Република Северна Македонија,не сум информиран ниту консултиран за иницијатива или за изготвувањето на овој закон", се вели во реакцијата на Лика.

Лика пишува дека за време на последната средба со претседателот на ДУИ, Али Ахмети, се обидел да отвори дебата за трансформација на Секретаријатот за спроведување на Охридскиот договор во министерство за политички систем.